Խորհրդարանում այսօր ՀՀ ՆԳՆ գլխավոր քարտուղարի ժամանակավոր պաշտոնակատար Արա Ֆիդանյանին լրագրողը հարցրեց, թե ինչու՞ էր երեկ Սարդարապատի հուշահամալիրի տարածքում ոստիկանության աշխատակիցը քաղաքացուն ասել «Նիկոլը բոլորինս է» արտահայտությունը, արդյո՞ք ոստիկանի ծառայողական պարտականությունն է քաղաքացուն իշխանական հայացքներ պարտադրելը։
«Մասնավոր որեւէ դեպքի հետ կապված այս պահին մեկնաբանություն չեմ կարող տալ, որովհետեւ առաջինը ձեզնից եմ լսում, որ նման բան է եղել»,-պատասխանեց Ֆիդանյանը։
Մեկ այլ լրագրող հետաքրքրվեց՝ կարմիրբերետավորը իրավունք ունի՞ զոհվածի ծնողին ձեռնաշղթաներով, քարշ տալով բերման ենթարկել։ Ի պատասխան Ֆիդանյանն ասաց․ «Պետք չէ տարանջատել՝ կարմիրբերետավոր է, թե ոստիկանության այլ գերատեսչության ծառայող, ոստիկանությունն իրականացնում է իր առջեւ օրենքով դրված գործառույթը։ Դեպքեր ունենք, որ տարբեր ատյաններում, տարբեր անձանց կողմից արձանագրվել են առերեւույթ օրենքի լիազորությունների գերազանցում եւ դրանցով իրականացվել են ծառայողական քննություններ ու քրեական վարույթներ»։
Ֆիդանյանը շեշտեց, որ 45 ոստիկան է 2022թ-ին ազատվել աշխատանքից։
Անդրադարձ կատարվեց նաեւ Կառավարության շենքի տարածքում ծառայություն իրականացնող ոստիկանների գործառույթներին։ Լրագրողը հետաքրքրվեց, թե ՀՀ ՆԳՆ որքա՞ն ռեսուրս է ծախսում Նիկոլ Փաշինյանի անվտանգության համար, նրան ուղեկցում է 4-5 ոստիկանական ավտոբուս։
Մանրամասն՝ տեսանյութում