Ֆրանսիայի նախագահ Էմանուել Մակրոնը մայիսի 9-ին կժամանի Բեռլին և բանակցություններ կվարի Գերմանիայի կանցլեր Օլաֆ Շոլցի հետ, հայտնում է ՏԱՍՍ-ը՝ Ելիսեյան պալատին հղումով։

Սա կլինի Մակրոնի առաջին արտասահմանյան այցը նախագահի պաշտոնում վերընտրվելուց հետո, «ինչը ևս մեկ անգամ կընդգծի ֆրանս-գերմանական հարաբերությունների ամրությունը»:

Մակրոնն ու Շոլցը, ի թիվս այլ հարցերի, կքննարկեն իրավիճակը Ուկրաինայում և «եվրոպական ինքնիշխանության համար մարտահրավերները», հայտնել են Ելիսեյան պալատում։