39-ամյա կին է մահացել շնաձկան հարձակումից․ նա վաղ առավոտյան լողալիս է եղել Հարավային Աֆրիկայի ափերի մոտ։

Կինը լողացել է Արեւմտյան Քեյփ նահանգի Պլետենբերգ ծովածոցում գտնվող ծանծաղ ջրերում, երբ շնաձուկը դուրս է եկել խորքից եւ կծել նրան, հայտնում են տեղական իշխանությունները եւ ականատեսները:

Փրկարարները ափից մոտ 15 մետր հեռավորության վրա հայտնաբերել են կնոջ դի։

Նշվում է, որ տարածքի լողափերը փակվել են: