Դրամի փոխարժեքը՝ այսօր
Եղանակը՝ այսօր
Միջազգային

Ամերիկացիներն ու ռուսները շվեյցարական կողմի ալիքով քննարկել են ուկրաինական պատերազմը․ Reuters

Blog Image

Ամերիկայի Միացյալ Նահանգների և Ռուսաստանի պաշտոնյաները վերջին ամիսներին գաղտնի հանդիպել են Շվեյցարիայում՝ Ուկրաինայի պատերազմի վերաբերյալ ոչ պաշտոնական քննարկումների համար: Մասնավորապես, նման հանդիպումներից մեկը տեղի է ունեցել նախորդ շաբաթ։

Գրել է Reuters-ը։

Հրատարակության տվյալներով՝ հանդիպումները տեղի են ունեցել վերջին մի քանի ամիսների ընթացքում, այդ թվում՝ անցած շաբաթ։ Վերջիններից մեկը տեղի է ունեցել Ժնևում՝ Մյունխենի անվտանգության համաժողովին զուգահեռ։

Աղբյուրները հայտնել են, որ ԱՄՆ-ի և Ռուսաստանի միջև բանակցությունները Շվեյցարիայում ընթացել են այլընտրանքային հաղորդակցության ալիքի ձևաչափով, իսկ որոշ շփումներ տեղի են ունեցել անցումային շրջանում՝ նոյեմբերի 5-ի ընտրություններում Դոնալդ Թրամփի հաղթանակից հետո։

Թեև հանդիպումների մասնակիցները դիվանագիտության և անվտանգության հարցերում փորձ ունեն, նրանք կառավարությունների պաշտոնական ներկայացուցիչներ չեն։ Անհայտ է մնում՝ արդյոք նրանցից որևէ մեկը պատվիրակվել է իրենց պետության կողմից։

Հրատարակության զրուցակիցներից մեկը, ով ուղիղ տեղեկություններ ունի բանակցությունների մասին, ասել է, որ Թրամփի խորհրդականների մի փոքր խումբ տեղյակ է այս հանդիպումների մասին։

 

Թարմացված 15:57-ին

Ավելի ուշ ՌԴ նախագահի մամուլի խոսնակ Դմիտրի Պեսկովն ասել է, որ «չունի» տեղեկություններ Շվեյցարիայում Ուկրաինայի հարցով ոչ պաշտոնական բանակցությունների մասին

«Ես չեմ կարող այդ հարցին պատասխանել։ Ես նման տեղեկություն չունեմ»,- լրագրողներին պատասխանել է ՌԴ նախագահի մամուլի քարտուղարը։

Send