ՌԴ Պետ Դումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Վիկտոր Վոդոլացկին նշել է, որ ՀԱՊԿ-ից Հայաստանի դուրս գալու պահանջով Երևանում անցկացված հանրահավաքները հավանաբար կազմակերպվել են ԱՄՆ ոչ առևտրային կազմակերպությունների կողմից՝ կապված ԱՄՆ Ներկայացուցիչների պալատի նախագահի Նենսի Փելոսիի այցի հետ. հայտնում է Interfax-ը։
նա նաև նշել է, որ սադրանքներ կան, սակայն դրանք արդյունք չեն տա։ Նկատի ունենալով, որ այնտեղ ակտիվորեն աշխատում են ամերիկյան դեսպանատունը և ՀԿ-ները, անհրաժեշտ է, որ բոլորը՝ ՀԱՊԿ, ՇՀԿ և առաջին հերթին ԱՊՀ կառույցները, կոմիտեից մինչև Եվրասիական բոլոր հանձնաժողովները, ավելի սերտ աշխատանք տանեն։