Այսօր՝ օգոստոսի 9-ին, արտակարգ դեպք է տեղի ունեցել Կոտայքի մարզում: Ժամը 09:15-ի սահմաններում ՀՀ ներքին գործերի նախարարության Փրկարար ծառայության 9-11 ճգնաժամայաին կառավարման ազգային կենտրոն ահազանգ է ստացվել, որ Երևան-Սևան ավտոճանապարհի 20-րդ կմ հատվածում ավտոմեքենա է այրվում:

Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են Աբովյանի թիվ 45 հրշեջ-փրկարարական ջոկատից 1 մարտական հաշվարկ:

Մինչ հրշեջերի ժամանումը՝ վարորդը և քաղաքացիները նախ կանխել են «Nissan Altima» մակնիշի ավտոմեքենայում առաջացած հրդեհը, ապա մարել այն:

Հրդեհի հետևանքով 3 հոգի այրվածքներով տեղափոխվել են Այրվածքաբանության և մաշկաբանության ազգային կենտրոն:

Դեպքի փաստով Գ. Դալլաքյանի որոշմամբ նախաձեռնվել է քրեական վարույթ, որտեղ էլ պարզվում է վարորդի և վիրավորների ինքնությունը: