Չինական Envision-ը Իսպանիայում էլեկտրամոբիլների համար մարտկոցների գործարան կկառուցի 3,8 միլիարդ եվրո ընդհանուր ներդրումով, որը մասամբ ֆինանսավորվում է Եվրամիության աջակցությամբ, հաղորդում է Reuters-ը։
Envision Spain-ի ղեկավար Խոսե Դոմինգեսն ասել է, որ նախագծերը կմշակվեն իսպանական վերականգնվող էներգիայի Acciona Energia ընկերության հետ համատեղ, սակայն չի հստակեցրել, թե որն է լինելու դրա դերը:
Սա կլինի էլեկտրական մեքենաների համար մարտկոցների արտադրության երկրորդ նախագիծը Իսպանիայում (Եվրոպայում երկրորդ ամենամեծ ավտոարտադրողն է)։
Գերմանական Volkswagen AG ավտոարտադրողը հայտարարել է, որ իր գործընկերների հետ միասին 10 միլիարդ եվրո (10,6 միլիարդ դոլար) է ներդնում Իսպանիայում էլեկտրամոբիլների եւ մարտկոցների արտադրության մեջ:
Volkswagen-ը մտադիր է 2023 թվականի առաջին եռամսյակում սկսել 40 գիգավատ/ժամ հզորությամբ գործարանի կառուցումը Սագունտոյում։