Իտալացի երգիչ Տոտո Կուտունյոյի հուղարկավորությունը տեղի կունենա հինգշաբթի առավոտյան Միլանի եկեղեցիներից մեկում, սպասվում է, որ արարողությանը ներկա կլինեն նրա հարազատները, ընկերներն ու գործընկերները. հայտնել են կատարողի շահերը ներկայացնող գործակալությունում։
«Պատարագը կսկսվի առավոտյան ժամը 11-ին Սանտի Ներեո էդ Աքիլեոյի բազիլիկայում: Երաժշտական ոլորտում Տոտոյի բազմաթիվ ընկերներ ցանկություն են հայտնել այցելել»,- ասել է աղբյուրը:
Նրա խոսքով, արարողության մասնակիցները չէին ցանկանա, որ Կուտունյոյի հուղարկավորությունը դիտվեր որպես հանրային միջոցառում, ուստի «սխալ» է ասել, թե կոնկրետ ով է մասնակցելու պատարագին իտալական էստրադայի աստղերից:
Հիշեցնենք, որ երգիչը մահացել է երեքշաբթի օրը Միլանում 81 տարեկան հասակում։ Նրա մենեջերի խոսքով՝ երգչի կյանքը երկարատև հիվանդությունից հետո ընդհատվել է Սան Ռաֆաելեի հիվանդանոցում: