«Տավուշը հանուն հայրենիքի» շարժման առաջնորդ Բագրատ Սրբազանը շարունակում է պայքարը, նրա գլխավորած «Սրբազան երթը» մեծ հույսեր է արթնացրել հանրության շրջանում։ Բագրատ Սրբազանի առաջնորդած երթը շատ խորհրդանշական օրով հասել էր մայրաքաղաք Երևան, որտեղ հազարավոր մարդիկ դիմավորել էին նրան։
MediaHub-ն իր հերթական հարցումն անցակցրեց հասարակության շրջանում։ Մեզ հետաքրքիր էր, թե որքա՞ն են քաղաքացիները վստահում Բագրատ արքեպիսկոպոս Գալստանյանին, ի՞նչ կարծիք ունեն այս ամենի մասին: Հարցմանը մասնակցել է 19 000 քաղաքացի, և հարցվածների կեսը միանշանակ նշել է՝ վստահում են:
Նաև մեկնաբանություններ են թողել՝
«Անվերապահորեն վստահում եմ Բագրատ Սրբազանին։ Նա կարողացավ համախմբել մեր խաբված ժողովրդին, բոլոր քաղաքական ուժերին։ Աստված օգնական մեր ազգին և հաջողություն մեր արդար պայքարին։ Շնորհակալություն հարգարժան Բագրատ Սրբազանին»:
«Այո , անշուշտ, վերջապես այս քաոtիկ վիճակը պիտի իր հանգուցալուծումը ստանա, մարդիկ պիտի ավելի շատ մոտենան Աստծուն»։
Հարցման մասնակիցները պահանջում են Փաշինյանի հրաժարականը նաև այս հարթակում։
«Նիկոլը ամեն ինչ անում է Թուրքիայի օգտին, նա ցանկանում է հրաժարվել ցեղասպանությունից, նա հայ ազգի թշնամին է»:
«Աստված առաջ, կարևորը Նիկոլից պրծնենք»,- գրել են մեր ընթերցողները։
Մասնակիցների մի մասն էլ ասում է, որ կառավարությանը չպիտի վստահեն, քանի որ «գործադիրի անդամները չգիտեն անգամ հայոց պատմություն», իսկ կան մարդիկ, ովքեր ասում են՝ Նիկոլից բացի ուրիշ ղեկավարի չեն պատկերացնում։
Ի պատասխան բացասական կողմնորոշում արտահայտողների, ու այն մարդկանց, ովքեր միայն հավատում են գործող իշխանությանը, դրական կարծիք ունեցողները հակադարձում են՝
«Եթե լսեք Սրբազանին, լսեք հատ-հատ խոսքերը կհասկանաք։ Հասկանալու դեպքում երբեք ավել-պակաս սխալ բառեր չեք ասի Սրբազանի հասցեին»:
«Ոչ ասողները պարզապես գլխի փոխարեն դդում են կրում իրենց ուսերին․ աշնանը ղափամա կսարքենք»։
Ժամանակը ցույց կտա, թե հանրության վստահությունն ու հավատը ինչպես կօգնի այն առաքելությանը, որը ստանձնել է Բագրատ Սրբազանը:
Վիկա Աբգարյան