Խորվաթիայի Վարաժդին երկրամասում լեհական համարներով ավտոբուս է վթարի ենթարկվել։ Պատահարի հետևանքով ավելի քան 10 մարդ է զոհվել։ Այս մասին հայտնում է HRT հեռուստաալիքը։
Երկրի ներքին գործերի նախարարության ղեկավար Դավոր Բոժինովիչը հայտնել է, որ վթարի վայրում մահացել է 11 մարդ։ Հաղորդվում է, որ ևս մեկ մարդ մահացել է հիվանդանոցում։ 33 ուղևոր հոսպիտալացվել է։
Նշվում է, որ մահացած և վիրավոր ուղևորների թվում երեխաներ չկան։ Ավտոբուսը կաթոլիկ ուխտագնացներին տեղափոխում էր Բոսնիա և Հերցեգովինա։