49 մարդու կյանք խլած «Բիցայի մոլագարը» կարող է կապված լինել ևս 11 uպանությունների հետ
«Բիցայի մոլագար» Ալեքսանդր Պիչուշկինը կարող է կապված լինել ևս 11 սպանությունների հետ։
ՌԴ Դաշնային քրեակատարողական ծառայությունը և Ներքին գործերի նախարարությունը համատեղ բացահայտել են Պիչուշկինի մասնակցությունը դրանց, հայտնել է ՌԴ Դաշնային քրեակատարողական ծառայությունը։
1974-ին ծնված Պիչուշկինը պատրաստ է ինքնախոստովանական ցուցմունք տալ։
1990-2000-ական թվականներին նա դաժանաբար սպանել է 49 մարդու, հիմնականում՝ Մոսկվայի Բիցեւսկու անտառում։
Նա դատալսումների պնդել էր, որ սպանել է ավելի քան 60 մարդու, սակայն հետաքննությունը ապացույցներ չէր գտել։
Մոսկովյան դատարանը 2007 թվականի հոկտեմբերի 29-ին Պիչուշկինին դատապարտել էր ցմահ ազատազրկման, նաև հոգեբույժի կողմից նշանակվել էր պարտադիր ամբուլատոր հսկողություն: Նա իր պատիժը կրում է Յամալո-Նենեց ինքնավար օկրուգի Խարպ բնակավայրում տեղակայված ի հատուկ ռեժիմի «Բևեռային բու» գաղութում:
Ըստ քննիչների՝ Պիչուշկինն իր առաջին սպանությունը կատարել էր 1992 թվականին, վերջինը՝ 2006 թվականին՝ ձերբակալությունից վեց ամիս առաջ։ Դրանց մեծ մասը տեղի էր ունեցել Բիցևսկու այգու տարածքում 2001 թվականից մինչև 2006 թվականը:
Ինքը՝ Պիչուշկինը, նիստում խոստովանել է 62 հանցագործություն և հայտարարել, որ պատրաստվում է սպանել 64 մարդու՝ շախմատի տախտակի վրա դրված վանդակների քանակով։ Մոսկվայի դատախազությունը հայտնել է, որ հետաքննությունը չի հայտնաբերել ևս 11 հանցագործությունների ապացույցներ, որոնց մասին մոլագարը խոսել է իր ցուցմունքում։ Որոշ դեպքերում զոհերը համարվում են անհայտ կորած, հայտնել են ՆԳՆ-ից։
