ՀՀ Շրջակա միջավայրի նախարարի նախկին տեղակալ Գայանե Գաբրիելյանը դատի է տվել կառավարությանը: Այս մասին տեղեկանում ենք «Դատալեքս» համակարգից։

Նա պահանջում է իրեն վերականգնել նախարարի տեղակալի պաշտոնում ու վճարել հարկադիր պարապուրդի ամբողջ գումարը։

Գաբրիելյանն աշխատանքից ազատվել է 2024 թվականի մարտի 21-ին՝ Նիկոլ Փաշինյանի որոշմամբ։

Նախկին պաշտոնյան պահանջում է անվավեր ճանաչել Նիկոլ Փաշինյանի այս որոշումը, վերականգնել նախկին պաշտոնում, փոխհատուցել հարկադիր պարապուրդի գումարը՝ 21.03.2024 թվականից մինչև դատական ակտի օրինական ուժի մեջ մտնելն ընկած ամբողջ ժամանակահատվածի համար։ Փոխհատուցումը՝ միջին աշխատավարձի չափով, ներառյալ ՀՀ աշխատանքային օրենսգրքով սահմանված տուժանքները։

Հայցը մակագրվել է Վարչական դատարանի դատավոր Մհեր Պետրոսյանին։ Դատավորն այն վարույթ ընդունելու և նախնական դատական նիստ նշանակելու որոշում է կայացրել։