ՌԴ-ում իմ բոլոր հանդիպումներում եղել է իրավիճակը ներկայացնելու և դրա արձագանքի ակնկալիքի իմ սպասումները, ես ավելի շատ սպասել եմ, որ մենք հասկանանք՝ ի՞նչ է կատարվում մեր տարածաշրջանում ու արդյո՞ք Ռուսաստանը կատարվելիքը ճիշտ է ընկալում, պատրաստվո՞ւմ է որևէ գործողություն անել: Այս մասին լրագրողների հետ զրույցում ասաց ԱԺ նախագահ Ալեն Սիմոնյանը։
Նրա՝ Արցախի մասին ևս խոսակցություն եղել է։
Նա նաև անդրադարձավ Ռուսաստանի ԱԳ նախարար Սերգեյ Լավրովի և Արարատ Միրզոյանի հանդիպման ընթացքում ՀԱՊԿ-ի գործունեությանն ու հայ-ռուսական փոխօգնության պայմանագրին, Լավրովի հայտարարությանը թե ՀՀ-ն, որպես ՀԱՊԿ նախագահող երկիր, կարող է խորհուրդ հրավիրել, ինչը ավելի արդյունավետ կլինի իր սահմաններին ստեղծված իրավիճակը քննարկելու համար։
«Գործընթացները շարունակվում են, մեր վրա կրակում են, մեր տղաները մահանում են։ Մենք ընդամենը 1 օր հետո դիմել ենք և մինչ օրս որևիցէ ռեալ արձագանք չի եղել։ Ենթադրենք, նրա ասածը (Լավրովը – խմբ.) ինչ-որ տեղ իրականության մեջ տեղ ունի, այդ դեպքում ո՞ւր է մեր պատասխանը՝ հայ-ռուսական պայմանագրին համապատասխան, դա էլ հո նախագահության հետ կապված խնդիր չէ։ Մենք նաև հայ-ռուսական փոխօգնության պայմանագրով ենք դիմել մեր ռուսաստանցի գործընկերներին, բա դրա հետ կապված ինչո՞ւ է լռություն։ Մոսկովյան հանդիպումների ժամանակ պարզաբանում եմ պահանջել»,- նշեց Սիմոնյանը։
Միևնույն ժամանակ, շարունակեց նա, ուզում է նորից ասել՝ մեր երկրի անվտանգությունը պահպանելու հարցում չեն սահմանափակվելու միայն այս պահին եղած լծակները օգտագործելով։
«Հայաստանը ՀԱՊԿ-ից ավելի կտրուկ գործողությունների է սպասում։ Մենք մտավախություն ունենք, որ ՀԱՊԿ-ը կարող է լքել տարածաշրջանը, արդյո՞ք այդ մտավախությունը ճիշտ է, թե ոչ։ Երբ այստեղ ասում են՝ Հայաստանը թող դուրս գա ՀԱՊԿ-ից և այլն, հասկանանք՝ կարո՞ղ է ՀԱՊԿ-ը դուրս է եկել տարածաշրջանից, բայց մեզ չեն ասում, որ տրամադրություններս չգցենք»,- եզրափակեց Ալեն Սիմոնյանը
Մանրամասները՝ տեսանյութում
Անի Գևորգյան