Նատալյա Պոպովան կյանքի նոր նպատակ է գտել՝ փրկել վայրի կենդանիներին և ընտանի կենդանիներին Ուկրաինայի պատերազմի հետևանքով առաջացած ավերածություններից ,գրում է Ասոշիեյթիդ Պրեսս-ը :

«Նրանք իմ կյանքն են»,- ասում է 50-ամյա կինը՝ կատվի ձագի պես շոյելով բաց մորթով առյուծին: Կենդանին պարսպի ներսից ուրախանում է ուշադրության համար՝ պառկած մեջքի վրա և թաթերը վերև ձգելով դեպի իր խնամակալը։

Պոպովան, համագործակցելով UA Animals կենդանիների պաշտպանության խմբի հետ, արդեն իսկ փրկել է ավելի քան 300 կենդանիների պատերազմից: Նրանցից 200-ը մեկնել են արտերկիր, իսկ 100-ը նոր տներ են գտել Արևմտյան Ուկրաինայում, որն ավելի անվտանգ է համարվում: Նրանցից շատերը վայրի կենդանիներ էին, որոնք որպես ընտանի կենդանիներ պահվում էին մասնավոր տներում, նախքան նրանց տերերի փախուստը գնդակոծություննեի պատճառով:
Կիևի մարզի Չուբինսկե գյուղում գտնվող Պոպովայի ապաստարանում այժմ գտնվում է 133 կենդանի: Սա լայնածավալ գազանանոց է՝ ներառյալ 13 առյուծ, ընձառյուծ, վագր, երեք եղնիկ, գայլեր, աղվեսներ, ջրարջներ և եղջերուներ, ինչպես նաև ընտանի կենդանիներ, ինչպիսիք են ձիերը, էշերը, այծերը, նապաստակները, շները, կատուները և թռչունները:

Լեհաստան տարհանմանը սպասող կենդանիներին փրկել են թեժ կետերից, ինչպիսիք են արևելյան Ուկրաինայի Խարկովը և Դոնեցկի շրջանները, որտեղ ամենօրյա ռմբակոծություններ և ակտիվ մարտեր են տեղի ունենում: