Ռուսաստանն ասում է՝ Ադրբեջանը ևս դաշնակից է, բայց ես համարում եմ, որ դա ճշմարտություն չէ, քանի որ Ադրբեջանի իշխանությունները ռուս գործընկերներին, մեղմ ասած, ստում են բոլոր հնարավոր ձևերով: ԱԺ-ում լրագրողների հետ ճեպազրույցի ժամանակ ասաց ԱԺ նախագահ Ալեն Սիմոնյանը:
«Ադրբեջանի ներկայացուցիչներն ամենաբարձր մակարդակով մեզ մեղադրում են ռուսամետ լինելու մեջ, իսկ Մոսկվայում Ադրբեջանի ղեկավարը և ներկայացուցիչները մեզ մեղադրում են եվրոպամետ և ամերիկամետ լինելու մեջ: Դա ադրբեջանական աշխատելաոճ է»,- ասաց ԱԺ նախագահը:
Արդյո՞ք հայկական կողմը չեզոքություն տեսնում է Ռուսաստանի կողմից հայ-ադրբեջանական հակամարտության հարցում:
«Կան տարբեր մեկնաբանություններ, որովհետև գործընթացն ավարտին հասցված չէ, կա նոյեմբերի 9-ի հայտարարությունը, որը ՀՀ-ի համար շատ կարևոր է: Ճիշտ է, դա որակվել է որպես պարտության արձանագրում, բայց, այնուամենայնիվ, կան արձանագրված կետեր, օրինակ, Լեռնային Ղարաբաղի կոնֆլիկտի գոյությունը, Լաչինի միջանցքի գոյությունը, որևիցե այլ միջանքի բացակայությունը, կա նաև դրան հետևող 2021 թվականի հունվարի 11-ի հայտարարությունը, որը նույնպես Ռուսաստանի անմիջական աջակցությամբ է արվել, որոնք այսօր շատ հիմնարար փաստաթղթեր են Հայաստանի համար»,-եզրափակեց Սիմոյանը: