Թուրքիայի նախագահ Ռեջեփ Թայիփ Էրդողանն այսօր հայտարարել է, որ Հացահատիկի գործարքը «անցավ պատմության գիրկը»․ հայտնում է ռուսական ՏԱՍՍ գործակալությունը։
Այդ մասին Էրդողանը հայտարարեց այն բանից հետո, երբ Մոսկվան գործարքի մյուս մասնակիցներին ծանուցեց դրանից դուրս գալու մասին։
Նա նաև հավելել է, որ Թուրքիայի արտգործնախարարը բանակցություններ է վարելու ՌԴ արտգործնախարարի հետ հացահատիկի գործարքի շուրջ։
«Ես հավատում եմ՝ Ռուսաստանի նախագահ Պուտինը ցանկանում է, որ սևծովյան հացահատիկի գործարքը շարունակի գործել»,- ասել է Էրդողանը:
Հիշեցնենք, որ ՌԴ նախագահի մամուլի քարտուղարը քիչ առաջ հայտարարեց, որ Մոսկվան անհապաղ կվերադառնա սեւծովյան համաձայնագրերի իրականացմանը, երբ ավարտվի հացահատիկի գործարքի ռուսական մասը։