Հազարավոր մարդիկ բողոքի երթ են դուրս եկել Լոնդոնի կենտրոնում՝ բողոքելով տնտեսական ճգնաժամի պայմաններում Միացյալ Թագավորության կառավարության անգործության դեմ։ Հայտնում է The Guardian-ը։
Ակտիվիստները կառավարությունից և Մեծ Բրիտանիայի վարչապետ Բորիս Ջոնսոնից պահանջում են ավելի վճռական միջոցներ ձեռնարկել բնակչությանն աջակցելու համար։
Երթը մեկնարկել է Պորտլենդ Փլեյսից և կավարտվի Վեսթմինստերյան պալատի դիմաց գտնվող Խորհրդարանի հրապարակում: Ցուցարարները երթ են անում պաստառներով՝ կոչ անելով Ջոնսոնին և նախարարների կաբինետի անդամներին հրաժարական տալ: Որոշ պաստառների վրա գրված է. «Վերջ տվեք վառելիքի աղքատությանը, անմիջապես տաքացրեք տները»:
Բացի դրանից, մարդիկ դժգոհում են աշխատավարձերի և սոցիալական նպաստների կրճատումից։
Հունիսի 16-ին Անգլիայի բանկը Մեծ Բրիտանիայում կանխատեսել էր 11% գնաճի արագ տեմպեր մինչև ընթացիկ տարվա հոկտեմբեր: Նշվում է, որ հոկտեմբերին գնաճը կարտացոլվի տնային տնտեսությունների համար էլեկտրաէներգիայի գների բարձրացումով։