ՌԴ նախագահ Վլադիմիր Պուտինը և Հայաստանի վարչապետ Նիկոլ Փաշինյանը քննարկել են Ռուսաստանի, Հայաստանի և Ադրբեջանի ղեկավարների միջև ձեռք բերված պայմանավորվածությունների կատարման ընթացքը, այդ թվում՝ սահմանին անվտանգության ապահովման քայլերը. հայտնում է Կրեմլի մամուլի ծառայությունը։
«Հայկական կողմի նախաձեռնությամբ Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել ՀՀ վարչապետ Նիկոլ Փաշինյանի հետ: Քննարկվել է ղեկավարների միջև հայտնի պայմանավորվածությունների իրականացման գործնական ասպեկտները, քննարկվել են քայլեր՝ հայ-ադրբեջանական սահմանում կայունության և անվտանգության ապահովման, տարածաշրջանում տնտեսական և տրանսպորտային կապերի վերականգնման և Հայաստանի և Ադրբեջանի միջև խաղաղության պայմանագրի նախապատրաստման ուղղությամբ։
Լեռնային Ղարաբաղի շուրջ ստեղծված իրավիճակի քննարկման ժամանակ Վլադիմիր Պուտինն ընդգծել է բոլոր ի հայտ եկած խնդիրները կառուցողական կերպով լուծելու անհրաժեշտությունը՝ կողմերի սերտ շփման և ռուս խաղաղապահների հետ փոխգործակցության պայմաններում»,- ասվում է հաղորդագրության մեջ։