Հայաստանի ներկայացուցիչ 27-ամյա Անահիտ Հակոբյանը Սոչիում կայացած «Նոր ալիք» միջազգային երաժշտական մրցույթում երեք մրցութային օրերի արդյունքներով ստացել է ժյուրիի ամենաբարձր գնահատականը՝ 222 միավոր։
Ժյուրիի անդամ Ֆիլիպ Կիրկորովը Հակոբյանի ելույթն անվանել է փայլուն, վիրտուոզ, ոճային, ազնիվ,մանրակրկիտ։
«Ես պաշտում եմ Հայաստանը, ինձ համար այն պարզապես երկիր չէ, այն իմ նախնիների հայրենիքն է, և երբ լսում եմ հայկական երաժշտություն, դուդուկ, միշտ, իհարկե, երկրպագում եմ այս երկրին և այն կատարողներին, ովքեր միշտ հիանալի են ներկայացնում իրենց երկիրը», - ասել է նա:
Կիրկորովը նշել է, որ Հակոբյանը հիանալի ներկայացրել է գեղեցիկ, արևոտ, հյուրընկալ, համեղ, տաղանդավոր Հայաստանը։