ՌԴ Առողջապահության նախարարության «Գամալեյա» կենտրոնի տնօրեն, ՌԴ ԳԱ ակադեմիկոս Ալեքսանդր Գինցբուրգը հարցազրույցի ընթացքում ասել է, որ, հաշվի առնելով COVID-19-ի նոր դելտա-ոմիկրոն շտամի ի հայտ գալը, մշակվել է նոր բաղադրությամբ պատվաստանյութ, հայտնում է «Ինտերֆաքս»:
«Ներկայումս մենք սպասում ենք, որ Առողջապահության նախարարությունը ներդնի կարգավորող միջոցներ, որոնք թույլ կտան փոխարինել Sputnik V-ի մի բաղադրությունը մյուսով», - նշել է Գինցբուրգը։
Նա ընդգծել է, որ ներկայումս արտադրվող Sputnik V պատվաստանյութնը նոր շտամի դեպքում ավելի թույլ է, քանի նախորդների պարագայում էր։
«Նոր շտամի ի հայտ գալը վկայում է այն մասին, որ դեռեւս կան փոփոխականության ուղիներ՝ հիմնված վերահամակցման վրա: Եթե երկու տարբեր վիրուսներ միաժամանակ ներթափանցեն բջիջ, ապա նրանք կարող են միմյանց հետ փոխանակել իրենց մի մասը»,- ասել է Գինցբուրգը։
Նա շեշտել է, որ կարող ենք ակնկալել համաճարակի առումով շատ այլ կարեւոր տարբերակների ի հայտ գալը, որոնց դեմ ստիպված կլինենք պայքարել։