Շաբաթ օրը Ֆիլիպինների հարավում հրմշտոցի հետեւանքով, որում աշակերտներ եւ ծնողներ են եղել, ովքեր դրամական օգնության էին սպասում դպրոցների աշխատանքի վերսկսումից առաջ, տասնյակ մարդիկ են վիրավորվել, հայտնում են իշխանությունները:

Մարդկանց ամբոխը սկսել էր հավաքվել դրամական օգնության տրամադրման վայրերում ուրբաթ այն բանից բանից հետո, երբ կառավարությունը հայտարարեց մինչեւ 4000 պեսո (72 դոլար) օգնության մասին նրանց համար, ովքեր դժվարությամբ են հոգում այդ ծախսերը։

Հարավային Զամբոանգա քաղաքում մոտ 5000 մարդ կանգած էր ավագ դպրոցի մոտ, որտեղ պետք է գումար բաժանվեր։

«Երբ նրանք լսեցին, որ դարպասը պատրաստվում է բացվել, շտապեցին առաջ, սայթաքեցին եւ ընկան գետնին», - AFP-ին ասել է ոստիկանության աշխատակից Ջոսեն Սամսուլան:

29 մարդ թեթև վնասվածքներով հոսպիտալացվել է, հայտնել է նախարար Էրվին Տուլֆոն, ով վերջին օրերին հայտարարել էր կանխիկ գումարային վճարների մասին:

Covid-19 սրել է միլիոնավոր ֆիլիպինյան ընտանիքների ֆինանսական վիճակը, ովքեր այժմ պայքարում են, որպեսզի գումար հայթայթել՝ իրենց երեխաներին դպրոց տանելու համար։