Էստրադային երգչուհի Թամարա Գվերդծիթելին հոսպիտալացվել է Վրաստանում։ Այս մասին հայտնում է PROzvezd-ը՝ հղում անելով արտիստուհու պրոդյուսեր Սերգեյ Պուդովկինին։

«Այո, Թամարա Միխայլովնան այժմ հիվանդանոցում է։ Աստված նրան առողջություն տա», - ասել է նրա ներկայացուցիչը։

Նշվում է, որ Գվերդծիթելիի քրոնիկական հիվանդությունները սրվել են։ Նա հոսպիտալացվել է մոր՝ Իննա Կոֆմանի մահից հետո։ Պուդովկինը նշել է, որ ծնողի մահը մեծապես ազդել է արտիստուհու հուզական վիճակի վրա, ում համար մայրը «ամեն ինչ» էր։

Ըստ ԶԼՄ-ների՝ Գվերդծիթելիի վիճակը «ծայրահեղ անկայուն է»։

Նյութի աղբյուրը՝  NEWS.am STYLE