Լուրը իրականությանը համապատասխանում է. Այսպես MediaHub-ի հարցմանն արձագանքեց ԱԺ նախագահ Ալեն Սիմոնյանի խոսնակ Ծովինար Խաչատրյանը:

Նշենք, որ ըստ shamshyan.com-ի՝ այսօր, ժամը 19։00-19։30-ն ընկած ժամանակահատվածում Ավան վարչական շրջանի Բաբաջանյան փողոցում բախվել են BMW մակնիշի 001 HH 01 համարանիշի, Nissan մակնիշի 112 HH 01 համարանիշի և Toyota Camry մակնիշի 99 ՏA 999 համարանիշի ավտոմեքենաները։

Ըստ աղբյուրի, BMW-ն հաշվառված է ՀՀ Ազգային ժողովի հաշվեկշռում և սպասարկում է Ազգային ժողովի նախագահ Ալեն Սիմոնյանին, Nissan-ը նույնպես հաշվառված է ԱԺ հաշվեկշռում։

MediaHub-ի հարցին ի պատասխան, թե վթարի պահին Ալեն Սիմոնյանը գտնվե՞լ է ավտոմեքենայում, Ծովինար Խաչատրյանն ասաց. “ԱԺ նախագահը վթարի պահին գտնվել է մեքենայում: Բարեբախտաբար, ամեն բան կարգին է. Ալեն Սիմոնյանի ինքնազգացողությունը լավ է”,- ասաց մեր զրուցակիցը:

Նշենք, որ մեր տեղեկություններով, ԱԺ նախագահի շարասյան ընթացքը փորձել է մեկ այլ մեքենա խանգարել, ինչի հետևանքով էլ տեղի է ունեցել վթարը: