Ռուսաստանի արտաքին գործերի նախարար Սերգեյ Լավրովն ասել է, որ Աստանայի ձևաչափի երկրների ԱԳ նախարարները Դոհայում կայացած հանդիպմանը կոչ են արել կողմերին երկխոսել Սիրիայում։
Նրանք նաև հաստատել են իրենց հավատարմությունը Սիրիայի ինքնիշխանությանը, հայտնել են ռուսական ԶԼՄ-ները։
Լավրովը Դոհայի ֆորումի ժամանակ ընդգծել է, որ անընդունելի է թույլ տալ ահաբեկիչներին գրավել սիրիական տարածքները։
Ավելի ուշ նաև հայտնի է դարձել, որ Սիրիայի պաշտպանության նախարարությունը հերքել է Դամասկոսից կառավարության զինված ուժերի դուրսբերման մասին տեղեկությունը։