Եռացատկորդ Լևոն Աղասյանը երրորդ տեղն է գրավել Ֆրանսիայի Մարսել քաղաքում անցկացված World athletics continental tour շարքի մրցաշարում։

Հայ մարզիկը ելույթն ավարտել է 16,39 մետր ցուցանիշով, որը գրանցել է երկրորդ փորձի ժամանակ: Հիշեցնենք, որ Աղասյանի՝ 2019 թվականին գրանցած անձնական ռեկորդը 17,08 մետր է։ Տեղեկացնենք նաև, որ այս տարվա մայիսին Հունաստանում անցկացված միջազգային մրցաշարում Լևոնը հաղթել էր 16,64 մետր արդյունքով։