Մոսկվայում ծեծի են ենթարկել «BumeR» խմբի վոկալիստ Իգոր Կուլինիչին. քիթն է վնասվել։ Այս մասին գրել է SHOT տելեգրամյան ալիքը։

Երեկ երեկոյան Մոսկվայի Օչակովո-Մատվեևսկոյե թաղամասի Նատաշա Կովշովա փողոցում 60-ամյա Կուլինիչը (ձախ նկարում) կոնֆլիկտ է ունեցել իր ծանոթներից մեկի հետ։ Վիճաբանությունը վերաճել է ծեծկռտուքի, որից երգիչը շատ է տուժել։ Վոկալիստը գնացել է հիվանդանոց, որտեղ նրա մոտ ախտորոշվել է քթի փափուկ հյուսվածքի ծանր կապտուկ․ այնուհետև նա գնացել է տուն։

«ԲումեՐ» շանսոն խումբը ստեղծվել է 2005 թվականին հեղինակ և պրոդյուսեր Յուրի Ալմազովի կողմից, որը նաև վոկալիստ է եղել։ 2019 թվականին նա մահացել է 50 տարեկանում՝ սրտի կաթվածից։ Նրա տեղը թիմում զբաղեցրել է Իգոր Կուլինիչը։ Այժմ, բացի նրանից, խմբում ընդգրկված է երաժիշտ Պետեր Շնայդերը: