ՀՀ բոլոր մասնակիցները մեդալներ են նվաճել ինֆորմատիկայի օլիմպիադայում

ՀՀ բոլոր մասնակիցները մեդալներ են նվաճել ինֆորմատիկայի օլիմպիադայում

ՀՀ բոլոր մասնակիցները մեդալներով են վերադարձել Ինֆորմատիկայի Եվրոպայի աղջիկների 3-րդ օլիմպիադայից․ տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։

Հուլիսի 15-21-ը Շվեդիայի Լունդ քաղաքում կայացած օլիմպիադային մասնակցել է 52 երկրի 189 դպրոցական: Օլիմպիադան անցկացվել է երկու փուլով։

Հայաստանի թիմը չորս մասնակից է ունեցել, որոնցից երեքը ներկայացրել են Ա․ Շահինյանի անվան ֆիզմաթ հատուկ դպրոցը, իսկ մեկը՝ Շիրակացու անվան ճեմարանը:

Ֆիզմաթ հատուկ դպրոցի 12-րդ դասարանի աշակերտ Ֆիլյա Գեիկյանն արժանացել է արծաթե, իսկ նույն դպրոցի սաներ Մերի Բադալյանը (12-րդ դասարան), Արփի Պրազյանը (10-րդ դասարան) և Շիրակացու անվան ճեմարանի աշակերտ Սյուզաննա Գրիգորյանը (12-րդ դասարան)՝ բրոնզե մեդալների։

Հայաստանի թիմը ղեկավարել են Արմեն Անդրեասյանը (ԵՊՀ դասախոս) և Սամվել Անդրեասյանը (ԵՊՀ ուսանող)։