Միջանցքի գործունեության վերաբերյալ պայմանավորվածություններն ու կարգավորումները բոլորին հայտնի են, դրանք ամրագրված են 2020թ. նոյեմբերի 9-ի եռակողմ հայտարարության մեջ: Այդ մասին Երևանում Ֆրանսիայի ԱԳ նախարար Կատրին Կոլոննայի հետ համատեղ մամուլի ասուլիսում ասաց ՀՀ ԱԳ նախարար Արարատ Միրզոյանը՝ անդրադառնալով ադրբեջանցի գործընկերոջ այն պնդմանը, թե իբր Բաքուն Երևանին առաջարկել է համատեղ զուգահեռ վերահսկողություն իրականացնել Լաչինի միջանցքի նկատմամբ, իսկ հայկական կողմը մերժել է այդ առաջարկը:
Միրզոյանի խոսքով՝ այդ հարցի շուրջ որևէ նոր բանակցությունների Հայաստանը չի մասնակցել և չի պատրաստվում մասնակցել, իսկ առկա պայմանավորվածությունները պետք է պահպանվեն, որպեսզի հնարավոր լինի հասնել ավելիին:
«Այն, ինչ Ադրբեջանն արել է և շարունակում է անել Լաչինի միջանցքում, բացարձակապես անօրինական է, և դա հաստատվում է ՄՔԴ որոշմամբ, և պետք է վերացվի: Այն, ինչ վերաբերում է Լեռնային Ղարաբաղի ժողովրդի իրավունքներին և անվտանգությանը, կարող է քննարկվել Ստեփանակերտ-Բաքու միջազգայնորեն տեսանելի մեխանիզմում»,- նկատեց Միրզոյանը։
Մանրամասները՝ տեսանյութում։