Ներքին Հանդի ուղղությամբ այս պահին իրավիճակը հանգիստ է, բայց մենք ցանկացած զարգացման պատրաստ ենք։ Այս մասին MediaHub.am-ի հետ զրույցում ասաց Ներքին Հանդ համայնքի վարչական ղեկավար Խաչատուր Բաղդասարյանը։
«Վաղ է ասել, որ Ներքին Հանդում բնականոն աշխատանքը վերականգված է, կանայք և երեխաները անվտանգության համար դեռ գյուղում չեն։ Չգիտես թշնամուց ինչ սպասես»,-ասաց Խաչատուր Բաղդասարյանը։
Խաչատուր Բաղդասարյանի խոսքով՝ գուղում 30 ընտանիք է ապրում հայտարարված հրադադարից հետո, կանայք և երեխաները ցանկացել են վերադառնալ, բայց իրավիճակը կրկին լարվելու հավանականության պատճառով դեռ մի քանի օր էլ, անվտանգության նկատառումներից ելնելով, չեն վերադառնա։
«Տղամարդիկ գյուղում են, ամեն րոպե պատրաստ գյուղը պաշտպանելու»,-շեշտեց նա։
Անի Գևորգյան