Բելգիայի բրյուսելյան համալսարանի գիտնականները բացահայտել են դինոզավրերի անհետացման պատճառը։
Ըստ գիտնականների՝ 65 միլիոն տարի առաջ աստերոիդի բախումը հանգեցրել է մթնոլորտի մահացու աղտոտվածության, փոշու և շատ ցուրտ (իմպակտային) ձմռան: Ուսումնասիրության մասին հոդվածը հրապարակվել է Nature Geoscience ամսագրում։
Հետազոտության արդյունքները հաստատել են հին վարկածն այն մասին, որ դինոզավրերը վերացել են արևի լույսի նվազման հետևանքով, որի պատճառը փոշին է եղել։ Այնուամենայնիվ, վերջին տարիներին տարածված է դարձել այն վարկածը, որ իմպակտային ձմեռն առաջացել է անտառային հրդեհների հետևանքով առաջացած ծծմբի կամ մուրի պատճառով: Շատ հետազոտողներ կարծում էին, որ փոշու մասնիկները չափազանց մեծ են եղել մթնոլորտում երկար մնալու համար:
Նոր աշխատանքում գիտնականները կարողացել են չափել փոշու մասնիկները, որոնք, ենթադրաբար, առաջացել են աստերոիդի հարվածից անմիջապես հետո: Նմուշները հայտնաբերվել են հնագույն լճային նստվածքներում՝ Հյուսիսային Դակոտայի Տանիս տեղանքում: Մասնիկների չափերը եղել են 0,8-ից 8 միկրոմետրի սահմաններում:
Հետազոտության համաձայն՝ մանր սիլիկատային փոշին մթնոլորտում մնացել է 15 տարի՝ նվազեցնելով գլոբալ ջերմաստիճանը մինչև 15 աստիճան Ցելսիուսով: Կլիմայական մոդելները ցույց են տվել, որ փոշին պետք է մեծ դեր է խաղացել դինոզավրերի զանգվածային անհետացման համար՝ առնվազն մեկ տարի առաջացնելով ֆոտոսինթեզի աղետալի անկում։