«Ես լավ եմ, ոչ մի խնդիր չկա»,- MediaHub-ի հետ զրույցում ասաց Արցախի ՊԲ նախկին հրամանատար Լևոն Մնացականյանը՝ մեկնաբանելով իր մասնակցությամբ վթարի մասին լուրը:

Նշենք, որ ըստ Shamshyan-ի՝ նոյեմբերի 16-ին, խոշոր ավտովթար է տեղի ունեցել Երևանում։ Ժամը 13։00-ի սահմաններում Սարալանջի հին ճանապարհից դեպի Տերյան փողոց բախվել են Toyota Land Cruiser և վրացական համարանիշներով Toyota Camry մակնիշի ավտոմեքենաները։ 

Լևոն Մնացականյանը նշեց, որ իր մեքենան վթարի պահին կանգնած է եղել, ղեկին հենց ինքն է եղել, հետևից է հարվածը եղել.

«Վթարից ոչ ես, ոչ մեքենան չի վնասվել, ամեն բան կարգին է, բայց հարվածող մեքենայի վարորդը տեղափոխվել է հիվանդանոց: Նրա կյանքին վտանգ չի սպառնում»,- հավաստիացրեց գեներալ Լևոն Մնացականյանը:

Նշենք, որ վիրավորին առաջինն օգնությունը հենց ինքն է ցուցաբերել և իր մյուս ուղեկիցը՝ արցախցի հայտնի գեներալ Սամվել Օգանովսկին: