Իսրայելը պատրաստվում է հարվածել Իրանի միջուկային օբյեկտներին․ CNN
Իսրայելը ակտիվորեն պատրաստվում է Իրանի միջուկային օբյեկտներին հնարավոր հարվածի՝ հակառակ ԱՄՆ նախագահ Դոնալդ Թրամփի ներկայիս քաղաքականությանը, որը ձգտում է խուսափել տարածաշրջանում լարվածության սրումից, գրել է CNN-ը՝ հղում անելով ամերիկյան հետախուզության աղբյուրներին։
ԱՄՆ-ն ստացել է նոր հետախուզական տվյալներ, որոնք վկայում են Իրանի միջուկային ենթակառուցվածքների վրա Իսրայելի ռազմական հարվածի հավանականության զգալի աճի մասին։ Ամերիկացի պաշտոնյաների կարծիքով՝ Իսրայելի նման գործողությունները հակասում են Սպիտակ տան ներկայիս քաղաքականությանը։
Աղբյուրներից մեկը հայտնել է, որ Իսրայելի կառավարությունը դեռևս վերջնական որոշում չի կայացրել, սակայն «հարվածի հավանականությունը վերջին ամիսներին զգալիորեն աճել է», հատկապես հաշվի առնելով ԱՄՆ-ի և Իրանի միջև սպասվող համաձայնագիրը, որը, Իսրայելի կարծիքով, ամբողջությամբ չի վերացնի Իրանի միջուկային հնարավորությունները։
Աճող սպառնալիքը հաստատվում է հաղորդակացման խափանմամբ և Իսրայելի ռազմական ակտիվությամբ, մասնավորապես՝ օդադեսանտային զինամթերքի տեղափոխմամբ և լայնածավալ օդային վարժանքների ավարտով։
