Հրդեհ՝ Կարմիր Աղեկ գյուղում

Մայիսի 13-ին, ժամը 18։39-ին Լոռու մարզային ճգնաժամային կառավարման կենտրոն ահազանգ է ստացվել, որ Կարմիր Աղեկ գյուղում այրվում է կուտակած անասնակեր։ Այս մասին հայտնում է ԱԻՆ-ը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ֊փրկարարական ջոկատի Օձունի հենակետից մեկ մարտական հաշվարկ։

Պարզվել է, որ Կարմիր Աղեկ գյուղի 2-րդ փողոցի տներից մեկի բակում՝ ծածկի տակ, այրվում է մոտ 120 հակ կուտակած անասնակեր։

Հրդեհը մեկուսացվել է ժամը 19։37-ին։