Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Խոշոր ավտովթար՝ Երևանի կենտրոնում, կան վիրավորներ

Blog Image

Այսօր՝ հունվարի 12-ին, խոշոր ավտովթար է տեղի ունեցել Երևանում։ Ժամը 00։50-ի սահմաններում Արգիշտի փողոց, Մաշտոցի պողոտայի և «Հաղթանակ» կամրջի խաչմերուկում բախվել են Երևանի բնակիչ 25-ամյա Իշխան Մելքոնյանի վարած Kia մակնիշի և Շիրակի մարզի բնակիչ 44-ամյա Հովհաննես Պոլեյանի վարած Opel մակնիշի ավտոմեքենաները։

Shamshyan-ի հաղորդմամբ՝ վթարի հետևանքով վարորդներից Ի․ Մելքոնյանը մարմնական վնասվածքներով տեղափոխվել է Հերացու անվան թիվ 1 համալսարանական հիվանդանոց, իսկ Kia-ի վարորդ Հ․ Պոլեյանն ու նրա ուղևոր, Երևանի բնակիչ 20-ամյա Արտյոմ Գաբրիելյանը մարմնական վնասվածքներով տեղափոխվել են «Աստղիկ» բժշկական կենտրոն։

Վիրավորներին ավտոմեքենաներից դուրս են բերել քաղաքացիներն ու փրկարարները և պատգարակով մոտեցրել շտապօգնության ավտոմեքենաներին։

Վթարի փաստով քննչական բաժնում նախաձեռնվել է քրեական վարույթ։

Քննիչի հանձնարարականով ավտոմեքենաները տեղափոխվել են ՊԾ Երևան քաղաքի գնդի պահպանվող հատուկ տարածք։

Ավելին՝ սկզբնաղբյուր կայքում։

Send