Գերմանիայի դաշնային կառավարությունը որոշում է կայացրել հոկտեմբերի 1-ից էլեկտրաէներգիայի օգտագործման համար տնային տնտեսություններից վարձավճար գանձել՝ երկրում էլեկտրաէներգիայի գլխավոր մատակարար Uniper ընկերության սնանկացման վտանգի ֆոնին, հայտնել է Spiegel-ը:
Ըստ էկոնոմիկայի նախարար, փոխկանցլեր Ռոբերտ Գաբեկի, վճարի գինը կկազմի 1,5-ից 5 ցենտ մեկ կիլովատ/ժամի համար և կախված կլինի տնային տնտեսության էլեկտրաէներգիայի ընդհանուր սպառումից։
Դաշնային կառավարությունը նախատեսում է վճարի ճշգրիտ չափը սահմանել օգոստոսի կեսերին կամ վերջին։ Գաբեկը բացատրել է, որ գազի մատակարարման հետ կապված խնդիրների պատճառով, որի միջոցով արտադրվում է էլեկտրաէներգիա, այժմ դժվար է գնահատել դրա արժեքը։
Անցյալ շաբաթ Գերմանիայի կանցլեր Օլաֆ Շոլցը հայտարարեց գազի գինը մեկ կիլովատ ժամում երկու ցենտով թանկացնելու մասին, ինչը 4 հոգանոց ընտանիքի համար նշանակում է 200-300 եվրոյի բարձրացում։
Գերմանական գազի հիմնական մատակարարի՝ Ռուսաստանի գազային սպառնալիքի ֆոնին գերմանական ընկերությունները, ինչպիսին է Յունիպերը, ստիպված են ռուսական գազը գնել ավելի թանկ և ավելի փոքր ծավալներով։
Ավելի վաղ հաղորդվել էր, որ Գերմանիայում մասնավոր տնային տնտեսություններին և արդյունաբերական ձեռնարկություններին արդեն հաջողվել է գազի սպառումը 5%-ից նվազեցնել մինչև 7%։