Կենտրոնական բանկի խորհուրդն այսօր նիստ է արել և որոշել է 0.25 տոկոսային կետով նվազեցնել վերաֆինանսավորման տոկոսադրույքը՝ սահմանելով 9.25 տոկոս։ Պատճառը գնաճի նվազումն է։ 2023 թվականի նոյեմբերիn 12-ամսյա գնաճը նվազել է՝ ամսվա վերջին կազմելով -0.5%, իսկ 12-ամսյա բնականոն գնաճը հոկտեմբերին կազմել է 0.0%:

Կենտրոնական բանկի նախագահ Մարտին Գալստյանն այսօր այս թեմայով հրավիրված ասուլիսի ժամանակ հայտարարեց, որ դրամավարկային քաղաքականության նախանշված սցենարում 12-ամսյա գնաճն առաջիկայում կպահպանվի նպատակային ցուցանիշից ցածր մակարդակում, այնուհետև աստիճանաբար կավեկանա և միջնաժամկետում կկայունանա 4% ցուցանիշի շուրջ։

MediaHub-ը հետաքրքրվեց ԿԲ նախագահից, թե ինչի՞ վրա են հիմնված 4%-անոց գնաճի վերաբերյալ ցուցանիշները և ի՞նչ ժամանակաշրջանում է դա սպասվում։

Մարտին Գալստյանը սլայդերով ներկայացրեց գնաճի կանխատեսման գրաֆիկն ու հիշեցրեց, որ Կենտրոնական բանկի քաղաքականության պլանավորման տեսնակյունից, երբ ասոuմ են՝ միջնաժամկետ, նկատի ունեն երեք տարվա հորիզոն։ 

Ապա հիշեցրեց, որ գնաճը չարիք է։ 

«Հուսամ՝ բոլորիս մոտ կա այն գիտակցումը, որ գնաճը չարիք է։ Ու Կենտրոնական բանկն իր ամբողջ գործիքակազմով մշտապես պայքարելու է, որ Հայաստանում գնաճը լինի ցածր և կառավարելի, որովհետև ցածր կառավարելի գնաճն է այն նախապայմանը, որ երկրները ունենում են կայուն, դինամիկ զարգացող տնտեսություն։ Կայուն, ցածր կանխատեսելի գնաճային միջավայրն է, որ թույլ է տալիս ներդրումներ իրակնացնել երկրում»,- ասաց ԿԲ նախագահը։

Նա նաև նկատեց, որ այս տեսանկյունից շատերըտ դրական են գնահատում Կենտրոնական բանկի գործողությունները, քանի որ ցածր կանխատեսելի գնաճի պարագայում իրենք չեն հայտնվում մի իրավիճակում, որ պարբերաբար խիտի աշխատավարձեր վերանայվեն կամ տեղի ունենան ոչ բնականոն պրոցեսներ։

Վահե Մակարյան