«Կինո» երաժշտական խմբի ղեկավար, խորհրդային ռոք երաժիշտ և դերասան Վիկտոր Ցոյի փողկապը վաճառքի է հանվել․ գնահատվել է 2,5 մլն ռուբլի։ Այս մասին հայտնել է РЕН-ТВ-ն իր տելեգրամյան ալիքում։

Կոլեկցիոներ Իլյա Սլուցկինի խոսքով՝ արտիստն այս աքսեսուարը ձեռք է բերել ավտովթարից երկու տարի առաջ։ Ենթադրաբար, գնելուց հետո այն տվել է իր ընկերներից կամ ծանոթներից մեկին։

Փաթեթի լուսանկարում կարելի է տեսնել «Հիշողության համար» մակագրությունը և երաժիշտի ինքնագիրը:

Փողկապը հետագայում հայտնվել է Ցոյի երկրպագուի մոտ, որն այն իր մոտ էր պահել վերջին տարիներին: Հետո ապրանքը հայտնվել է Մոսկվայի Stargift պատկերասրահի հավաքածուում։