Այսօր՝ հունվարի 15-ին, հերթական անգամ Արարատի մարզի բնակիչ, արդեն փրկարարների, փրկարար հոգեբանների, պարեկների, շտապօգնության բժիշկների «սիրելի» Խաժակը անցել է «Հաղթանակ» կամրջի վտանգավոր եզրագիծն ու սպառնում է իրենց ցած նետել։

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են նաև ՀՀ ՆԳՆ Փրկարար ծառայության թիվ 1 հրշեջ-փրկարարական ջոկատի փրկարարները՝ խմբի պետ Ներսեսյանի գլխավորությամբ։

Ժամանել է նաև ՓԾ ճգնաժամային կառավարման ազգային կենտրոնի օպերատիվ խումբը, Երևանի 1-03 շտապօգնության բժիշկների և ոստիկանության Կենտրոնական բաժնի հերթապահ խմբերը։

Արդեն մեկ ժամից ավելի է՝ ոստիկաններն ու փրկարարները բանակցում են նրա հետ, որպեսզի չդիմի այդ ծայրահեղ քայլին։

Գ․ Շամշյանը հայտնում է, որ տղամարդը, ով անցել է կամրջի վտանգավոր եզրագիծը, 80-ից ավելի անգամ նմանատիպ քայլի է դիմել։