Մինչ ԱՄՆ նախագահ Դոնալդ Թրամփը սաստկացնում է առևտրային պատերազմը Եվրամիության հետ՝ սպառնալով գինու և շամպայնի համար 200% մաքսատուրքեր սահմանել, եվրոպացիներն իրենց ձեռքն են վերցնում՝ սկսելով ամերիկյան ապրանքների զանգվածային բոյկոտը, որը մոբիլիզացնում է տասնյակ հազարավոր սպառողների, գրել է «France24»-ը։
«Հոգնե՞լ եք ամերիկյան իմպերիալիզմը ֆինանսավորելուց: Գործեք»,- ասվում է Ֆրանսիայում ստեղծված ֆեյսբուքյան խմբի նկարագրության մեջ, որը խրախուսում է անդամներին աջակցել ֆրանսիական և եվրոպական տնտեսություններին՝ հրաժարվելով գնել ամերիկյան արտադրանքը:
Հյուսիսային Եվրոպայում նմանատիպ ժողովրդական շարժումներ նույնպես ի հայտ են գալիս: Երկու շվեդական Facebook խմբեր ունեն մոտ 80,000 անդամ, ինչպես դանիական խումբ։ Ավելի փոքր խմբերով գործում են Նիդեռլանդներում և Բելգիայում: