Իսրայելի նախկին վարչապետ Նաֆթալին Բենեթը կոչ է արել ներկայիս կառավարությանը հարվածել Իրանի միջուկային օբյեկտներին:

«Առաջին անգամ մենք հնարավորություն ունենք գործելու Իրանի դեմ՝ չվախենալով սարսափելի և անտանելի արձագանքից։ Իրանի ահաբեկչության և մարդասպանության ռեժիմը առաջին անգամ բացահայտված և խոցելի է: Սա մեկանգամյա հնարավորություն է, երբ մենք ունենք և՛ օրինականություն, և՛ հնարավորություն՝ լրջորեն վնասելու Իրանի ռեժիմին և նրա միջուկային ծրագրին»,- նրա խոսքերն է մեջբերում Times of Israel-ը։

Բենեթը Իսրայելի վարչապետն էր 2021 թվականի հունիսից մինչև 2022 թվականի հունիսը։