Արևմտյան երկրներն Ուկրաինայի հետ քննարկում են «տարածքներ ՆԱՏՕ-ի դիմաց» սկզբունքով պատերազմի ավարտի սխեման։
Ըստ այդ պլանի՝ պատերազմը կավարտվի առանց Ռուսաստանի կողմից գրավված տարածքների վերադարձի, սակայն Ուկրաինան կմիանա ՆԱՏՕ-ին, և նրա վերահսկվող տարածքները կենթարկվեն Դաշինքի անվտանգության երաշխիքներին, թեև գրավված տարածքները դե յուրե կլինեն Ուկրաինային, գրել է Financial Times-ը՝ վկայակոչելով դիվանագիտական իր աղբյուրներին։
Այս մոտեցումը հիմնված է այսպես կոչված «Գերմանական մոդելի» վրա, որի մասին ավելի վաղ խոսել էր ՆԱՏՕ-ի նախկին գլխավոր քարտուղար Յենս Ստոլտենբերգը։ Սառը պատերազմի ժամանակ Գերմանիայի բաժանման անալոգիայով դաշինք կընդունվի Ուկրաինայի միայն այն հատվածը, որն Կիևի վերահսկողության տակ է։
Արևմտյան որոշ դիվանագետներ և ուկրաինացի պաշտոնյաներ կարծում են, որ դա կարող է կարգավորման հիմք դառնալ: Միաժամանակ Ռուսաստանը դե ֆակտո վերահսկողություն է պահպանում տարածքների նկատմամբ, որոնք դե յուրե կդիտարկվեն ուկրաինական։ Սակայն ուկրաինացիների համար այս փոխզիջումը մնում է չափազանց զգայուն հարց։
Գաղափարը պաշտոնական շրջանակներում աջակցություն է ստանում։ Սակայն այս պլանի իրականացումը դժվարությունների է բախվում Ռուսաստանի հակազդեցության, ԱՄՆ-ի և ՆԱՏՕ-ի այլ երկրների դիրքորոշման անորոշության պատճառով։