Forbes Russia-ի սեփականատերը մասնավոր զրույցներում հայտարարել է ամբողջ Forbes մեդիա խումբը գնելու մասին։ Գործարքի մասին Մագոմեդ Մուսաևը պատմել է իր գործընկերներին։ Գրել է The Washington Post-ը՝ վկայակոչելով նման խոսակցությունների տեսագրությունն ու ձայնագրությունները։
«Ես հենց նոր գնեցի համաշխարհային Forbes-ը։ Հասկանում եք, երբ ձեր ձեռքերում լինի աշխարհի ամենահեղինակավոր ապրանքանիշի բանալին, այս բանալին ամեն ինչին հասանելիություն կտա»,- իր գործընկերներից մեկին ասել է Մուսաևը։
Հրատարակության տվյալներով՝ ձայնագրություններն արվել են Նյու Յորքում գործարարի 60-ամյակի տոնակատարությունից մի քանի օր առաջ։
Ըստ թերթի՝ ձայնագրության մեջ լսվում է, թե Մուսաևի նշում է, որ ֆորմալ առումով «գործարքի դեմքը» եղել է ամերիկացի միլիարդատեր Օսթին Ռասելը, իսկ իրականում դեմքն ինքն է եղել։