Ես ելույթ քիչ եմ ունենում, բայց պարոն Մամիջանյանի ասածներին չհակադարձել ուղղակի չեմ կարող։ Մամիջանյանն ասաց՝ ՔՊ-ն չարիք է բերել երկրի գլխին, լո՞ւրջ եք ասում, պարոն Մամիջանյան։ Հանրապետականը բարիք է շաղ տալիս փողոցներով՝ դռնեդուռ ընկած ՀՀԿ-ի ժամանակ ընտրություններին փող չէի՞ն բաժանում, 4-օրյա պատերազմ չկա՞ր, մարդ չէի՞ն ծեծում, մոնոպոլիա չկա՞ր։ «Հայկական դրախտ» երգ կար, էդ եք ուզում պատմած ըլնեք։ Այս մասին այսօր ԱԺ-ում ամբիոնից ասաց «Քաղաքացիական պայմանագիր» խմբակցության պատգամավոր Նարեկ Գրիգորյանը։
«Պարոն Մամիջանյան, ժողովուրդը Հանրապետականի գործուներությունն է տեսել, մերն էլ է տեսել։ Եթե մենք չարիք ենք բերել, ձեր գործընկերները 2018 թվականին իրենց ձեռքով Նիկոլ Փաշինյանին վարչապետ ընտրեցին, է չընտրեիք»,- հայտարարեց Գրիգորյանը։
ՔՊ-ականը հիշեցրեց Մամիջանյանի այն խոսքերը, թե՝ «Ես գիտեի՝ ԱԺ եմ գալիս, ոչ թե դպրոցական հանդեսի»։
Գրիգորյանը նշեց․ «Դպրոցի հանդեսում, առնվազն ձյունանուշիկի դերը կարայիք խաղայիք, պարոն Մամիջանյան»։
Ընդդիմադիր Մամիջանյանն էլ արձագանքեց․ «Չափերդ ճանաչի»։
«Ես իմ չափերը ճանաչում եմ, մյուս անգամ չշշկռվեք, ինձ ընդհատեք։ Ասում են՝ զուսպ եղեք, ինչ կարում խոսում են, մենք էլ պտի ձեն չհանենք, դե հասկացանք էլի»,- նյարդայնացավ Գրիգորյանը։
Մանրամասները՝ տեսանյութում