ՃԵ կանոնների խախտման հետևանքով նշանակված տուգանքներում փոփոխություններ կմտցվեն։ Այդ մասին այսօր ԱԺ պետաիրավական հարցերի մշտական հանձնաժողովի նիստում ասաց ՆԳ փոխնախարար Արփինե Սարգսյանը։
Նրա խոսքով՝ առաջարկվում է տեսալուսանկարահանման եղանակով արձանագրված ՃԵ կանոնների խախտման մասին վարորդին ծանուցել էլեկտրոնային եղանակով։
«Քանի որ տարվա ընթացքում 1.5 մլրդ դրամի թուղթ ենք օգտագործում ծանուցումների համար։ Ըստ այդմ, եթե մեր քաղաքացիները էլեկտրոնային տարբերակով ծանուցումներ կստանան, ապա նրանց համար 20% զեղչ կլինի տուգանքի համար։ Այսինքն՝ եթե 5000 դրամ տուգանքի հետ գործ ունենք, ու էլեկտրոնային ճանապարհով ենք ծանուցել, ապա վարորդը կվճարի 4000 դրամ։ Իսկ 10 հազար դրամի դեպքում վարորդը կվճարի 8000 դրամ»,- ներկայացրեց փոխնախարարը։
Մանրամասները՝ տեսանյութում։