Ի՞նչ է կատարվում Արցախում․ Վերածննդի հրապարակը մարդաշատ է
Ստեփանակերտի Վերածննդի հրապարակում այս պահին բազմաթիվ քաղաքացիներ են հավաքվել։ Ընթանում է ԱԺ արտահերթ նիստը արցախցիների առևանգման առնչությամբ։
Ինչպես ավելի վաղ հայտնել էինք Արցախի Հանրապետության Ազգային ժողովի արտահերթ նիստին մասնակցում է նաև Արցախի նախագահ Արայիկ Հարությունյանը։ Նա հանդիպելու է քաղաքացիների ու ակտիվիստների հետ, քննարկվելու են օրակարգային հարցեր։
Հիշեցնենք, որ Հակարիի ապօրինի անցակետից ադրբեջանցիների կողմից այսօր՝ օգոստոսի 28-ին առևանգված հայ քաղաքացիների նկատամամբ Ադրբեջանի դատախազությունը խափանման միջոց է կիրառել։ Ադրբեջանը առևանգված հայ քաղաքացիներին կեղծ մեղադրանքներով դատապարտել է 10 օրվա կալանքի։ Նրանք, իբր, մեղադրվում են «Ադրբեջանի դրոշը անարգելու մեջ»։
Հաղորդվում է՝ դատարանի վճռի կատարումից հետո նրանց կարտաքսեն Ադրբեջանից։
Ավելին՝ տեսանյութում
