Բրիտանացի հատուկ ջոկատայինները մի շարք սպանություններ են իրականացրել Աֆղանստանում, գրում է BBC-ը։
Ռազմական վերջին զեկույցները վկայում են այն մասին, որ վեց ամսվա ընթացքում մեկ ստորաբաժանումը կարող է անօրինական կերպով սպանել 54 մարդու:
BBC-ի փոխանցմամբ՝ Մեծ Բրիտանիայի հատուկ նշանակության ուժերի նախկին ղեկավար, գեներալ Մարկ Քարլթոն Սմիթը տեղեկացվել է ենթադրյալ ապօրինի սպանությունների մասին, սակայն ապացույցները չի հանձնել թագավորական ռազմական ոստիկանությանը նույնիսկ հետաքննություն սկսելուց հետո։
BBC-ի աղբյուրները պատմել են, որ իրենք ականատես են եղել, թե ինչպես են հատուկ ջոկատայինները անզեն մարդկանց սպանում:
Նրանք նաեւ օգտագործել են AK-47 ինքնաձիգներ, որոնք տեղադրվել են դեպքի վայրում՝ արդարացնելու անզեն մարդու սպանությունը: