ԵՄ երկրները «կուշտ են» Եվրահանձնաժողովի ղեկավար Ուրսուլա ֆոն դեր Լայենի՝ դաշինքի արտաքին քաղաքականությունը կառավարելու փորձերից։ Այս մասին գրել է Politico թերթը՝ վկայակոչելով աղբյուրներ։

Աղբյուրների համաձայն՝ ԵՀ ղեկավարը չի խորհրդակցել Եվրոպական միության առաջնորդների հետ Հորդանանի հետ գործընկերության համաձայնագրի մասին որոշման, նաև Ամմանին 3 միլիարդ եվրոյի ֆինանսական օգնության տրամադրման վերաբերյալ։

Սա առաջին դեպքը չէ, երբ ֆոն դեր Լեյենը նման հնարք է անում՝ ցանկանալով բարելավել հարաբերությունները համաշխարհային առաջնորդների հետ: «Անդամ երկրները հոգնել են դրանից»,- ասվում է հոդվածում։

Ավելի վաղ՝ 2024 թվականի դեկտեմբերի 19-ին, Politico-ն հայտնել էր, որ ԵՄ որոշ երկրների ղեկավարներ նյարդայնացած են ֆոն դեր Լայենից ինքնուրույն որոշումներ կայացնելու համար։ Ըստ հրապարակման՝ նրանք խնդրել են Եվրոպական խորհրդի ղեկավար Անտոնիո Կոստային «հանգստացնել» եվրատիկնոջը։