iPhone 15, iPhone 15 Plus, iPhone 15 Pro և iPhone 15 Pro Max սմարթֆոնների NFC չիպերը կարող են վնասվել որոշ ավտոմեքենաների անլար լիցքավորիչներով լիցքավորելու դեպքում:

Այս մասին հայտնի է դարձել Apple-ի նամակներով տարածած կորպորատիվ հաղորդագրությամբ։

Խնդիրը նկատվել է վերջին մոդելի BMW և Toyota Supra ավտոմեքենաների մոտ։ Լիցքավորիչի կիրառման հետևանքով NFC չիպի առաջացած անսարքությունները, սակայն, ժամանակավոր են։ 

Apple-ը հայտնել է, որ կլուծի խնդիրը ծրագրային ապահովման թարմացման միջոցով մինչև այս տարվա վերջ։

Ընկերությունը խորհուրդ է տվել iPhone 15 սերիայի սմարթֆոնները չլիցքավորել դեռևես վերոնշյալ եղանակով։

Apple-ը խորհուրդ է տվել այս խնդիրն ունեցած օգտագործողներին դիմել սպասարկման կենտրոն։ Մասնագետները փորձելու են Service Toolkit 2-ի միջոցով վերականգնել չիպի աշխատանքը: Այլ դեպքում iPhone-ը կուղարկվի վերանորոգման: