Թեհրանը` Մոսկվայում կմասնակցի Ռուսաստանի, Թուրքիայի, Իրանի և Սիրիայի փոխարտգործնախարարների հանդիպմանը, որը ծրագրված է հաջորդ շաբաթ. փոխանցում է Ria.ru-ն, հղում կատարելով Քազեմ Ջալալին։
«Այո, նման հանդիպում իսկապես տեղի կունենա հաջորդ շաբաթ, Իրանը նախատեսում է մասնակցել դրան»,- ասել է Ջալալին։
Հիշեցնենք, որ դեկտեմբերին, Ռուսաստանը հյուրընկալեց Թուրքիայի և Սիրիայի պաշտպանության նախարարներին, որոնք 11 տարվա ընթացքում առաջին անգամ անցկացրեցին բանակցություններ։
Անկարայի և Դամասկոսի միջև տարաձայնությունները լուծելու համար նախատեսվում էր Ռուսաստանի Դաշնության, Սիրիայի և Թուրքիայի արտգործնախարարների հանդիպումը։ Հունվարին Թուրքիայի արտգործնախարար Մևլութ Չավուշօղլուն հայտնել էր, որ նման հանդիպում կարող է տեղի ունենալ փետրվարի սկզբին։ Ավելի ուշ Թուրքիայի նախագահ Թայիփ Էրդողանը ասաց, որ Իրանը կարող է միանալ Թուրքիայի, Ռուսաստանի և Սիրիայի միջև նախատեսված բարձր մակարդակի բանակցություններին։
Իրադարձություններին արագ հետևելու համար միացեք MediaHub-ի տելեգրամյան ալիքին https://t.me/MediaHub1world