ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Ուկրաինայում ռազմական գործողությունները կարող են տևել մի քանի տարի։ Այս մասին հայտնում է Bild am Sonntag-ը։
«Մենք պետք է պատրաստ լինենք նրան, որ դա կարող է տևել տարիներ։ Չես կարող դադարեցնել Ուկրաինային աջակցելը, եթե նույնիսկ դրա գինը թանկ լինի»,- ասել է նա։
Ավելի վաղ ՆԱՏՕ-ի գլխավոր քարտուղարը հայտարարել էր, որ Ռուսաստանն այլևս կազմակերպության գործընկեր չէ, այլ «վտանգ է աշխարհին»։
Նա նաև ասել է, որ ժամանակակից սպառազինության մատակարարումը կարող է Ուկրաինային հնարավորություն տալ վերականգնել վերահսկողությունը Դոնբասում։